काठमाडौं, १५ भदौ । जीवन बीमा कम्पनीहरूले चालू आर्थिक वर्ष (आव) २०८२/८३ को पहिलो महिना (साउन)मा २० अर्ब बढिको बीमा शुल्क संकलन गरेका छन् । नेपाल बीमा प्राधिकरणका अनुसार १ गतेदेखि साउन मसान्तसम्ममा १४ ठूला र तीन लघु जीवन बीमा कम्पनीहरूले सो रकम संकलन गरेका हुन् ।

सो अवधिमा सबैभन्दा बढी नेपाल लाइफले ६ अर्ब १९ करोड रुपैयाँ संकलन गरेका छन् । यसपछि नेशनल लाइफले २ अर्ब ४१ करोड, एलआइसी नेपालले २ अर्ब ३ करोड रुपैयाँ र हिमालयन लाइफले २ अर्ब २ करोड रुपैयाँ बीमा शुल्क संकलन गरेको छ ।

लघु बीमातर्फ सबैभन्दा बढी गार्डियन माइक्रो लाइफको ३ करोड २६ लाख संकलन भएको तथ्यांक छ ।