बढ्यो वीरगञ्ज भन्सारको राजस्व संकलन, एक महिनामै करिब साढे १८ अर्ब
अनलाइनसमय |
काठमाडौं, ४ भदौ । वीरगञ्ज भन्सार कार्यालयले चालू आर्थिक वर्ष (आव)को पहिलो महिना (साउन)मा करिब साढे १८ अर्ब रुपैयाँ राजस्व संकलन गरेको छ ।
कार्यालयका अनुसार गत साउन १ गतेदेखि साउन मसान्तसम्ममा १८ अर्ब ३९ करोड ६७ लाख रुपैयाँ संकलन भएको छ, मासिक लक्ष्यको ८७ दशमलव ६८ प्रतिशत हो । कार्यालयले साउनमा २० अर्ब ९८ करोड २१ लाख रुपैयाँ राजस्व उठाउने लक्ष्य राखेको थियो ।
गत आवको तुलनामा चालू आवको राजस्व संकलन १५ दशमलव ८४ प्रतिशत बढेको छ । आव २०८१/८२ को पहिलो महिनामा १५ अर्ब ९१ करोड ५४ लाख रुपैयाँ संकलन भएको थियो ।
ताजा समाचार
