काठमाडौं, १८ साउन । प्रभु महालक्ष्मी लाइफ इन्स्योरेन्स कम्पनी लिमिटेडले संस्थापक शेयर बिक्री गर्ने भएको छ । कम्पनीका संस्थापक शेयरधनीले १ लाख ३० हजार ४४२ कित्ता शेयर बिक्री गर्न निवेदन दिएपछि कम्पनीले सो शेयर बजारमा ल्याउने निर्णय गरेको हो ।

कम्पनीले सार्वजनिक सूचना जारी गर्दै सो शेयरको मूल्य प्रति कित्ता २०३ रुपैयाँ तोकिएको जानकारी दिएको छ । आवेदन दिने व्यक्तिले तोकिएको मूल्यमा वा सोभन्दा बढी मूल्यमा मात्र प्रस्ताव गर्न सक्नेछन् ।

शेयरमा पहिलो प्राथमिकता संस्थापक शेयरधनीलाई नै दिनुपर्ने भएकाले कम्पनीले सूचना प्रकाशित भएको मितिले ३५ दिनभित्र संस्थापक शेयरधनीलाई निवेदन पेश गर्न आग्रह गरेको छ ।