काठमाडौं, १५ साउन । नेपाल पुनर्बीमा कम्पनी लिमिटेडले आफ्ना सेयरधनीलाई शत प्रतिशत हकप्रद शेयर वितरण गर्ने भएको छ । कम्पनीको साउन १४ गते बसेको सञ्चालक समितिको ५७०औं बैठकले उक्त निर्णय गरेको हो ।

कम्पनीले बीमा क्षेत्रको नियामक निकाय, नेपाल बीमा प्राधिकरणको निर्देशनअनुसार चुक्तापूँजी वृद्धि गर्ने तयारी गरेको हो । प्राधिकरणले २०८१ पुस २५ गते दिएको निर्देशनअनुसार २०८२ सालको माघ मसान्तभित्र पूँजी वृद्धि गरिसक्नुपर्ने सर्त कम्पनीलाई दिइएको छ ।

प्राधिकरणले पुनर्बीमा कम्पनीहरूलाई व्यवसाय विस्तार र अन्तर्राष्ट्रिय बजारमा प्रतिस्पर्धा गर्न सक्ने बनाउने उद्देश्यले पूँजी वृद्धिको सीमा तोकेको छ ।