काठमाडौं, २५ असार । बुधबार नेपाल स्टक एक्सचेन्ज (नेप्से) परिसूचक बढेको छ । आज नेप्से परिसूचक २२ दशमलव ०४ अङ्कले बढेर दुई हजार ७०५ दशमलव ९ बिन्दुमा कायम भएको हो ।

आज १ करोड ५८ लाख २२ हजार ९७० कित्ता शेयर किनबेच हुँदा ७ अर्ब ४५ करोड १८ लाख रुपैयाँको कारोबार भएको छ । अघिल्लो कारोबार दिन मंगलबार ६ अर्ब ५७ करोड ४१ लाख रुपैयाँ बराबरको कारोबार भएको थियो ।

आज १९९ धितोपत्रको शेयर मूल्य बढ्दा ४९ को घटेको छ । यसदिन कुल ३१६ धितोपत्र कारोबारमा आएका छन् ।

बुधबार १३ समूहको उपसूचकमध्ये दुई उपसूचक घटेको छ भने बाँकी ११ ओटा उपसूचकको बढेको छ । आज बैंकिङ १ दशमलव ६८, लगानी १ दशमलव ३७, उत्पादन तथा प्रशोधन शून्य दशमलव ९५, माइक्रोफाइनान्स शून्य दशमलव ८५, हाइड्रोपावर शून्य दशमलव ५४, विकास बैंक शून्य दशमलव ३४, व्यापार शून्य दशमलव ३४, होटेल तथा पर्यटन शून्य दशमलव २८, जीवन बीमा शून्य दशमलव २४, निर्जीवन बीमा शून्य दशमलव २४ र अन्य समूहको उपसूचक शून्य दशमलव ३ प्रतिशतले बढेको छ ।

फाइनान्स शून्य दशमलव ३८ र म्युचुअल फण्ड समूहको उपसूचक शून्य दशमलव ०१ प्रतिशतले घटेको छ ।

आज बरुण हाइड्रोपावर ६ दशमलव २१, पञ्चकन्या माइ हाइड्रोपावर ४ दशमलव २८, एनआइसी एशिया बैंक ३ दशमलव ९३, सीइडीबी होल्डिङ्स ३ दशमलव ८८ र न्यादी हाइड्रोपावरको शेयर मूल्य ३ दशमलव ७४ प्रतिशतले बढेको छ ।

आज ग्रिन डेभलपमेन्ट बैंक ४ दशमलव ४१, एनएमबी हाइड्रो फण्ड ३ दशमलव ०१, पिपूल्स हाइड्रोपावर २ दशमलव ७७, राप्ति हाइड्रो एण्ड जनरल कन्स्ट्रक्सन २ दशमलव ४४ र खानीखोला हाइड्रोपावरको शेयर मूल्य २ दशमलव २९ प्रतिशतले ह्रास आएको छ ।