काठमाडौं, २१ माघ । चालू आर्थिक वर्ष (आव)को पहिलो ६ महिनामा बैंक तथा वित्तीय संस्थाहरूबाट निजी क्षेत्रमा २ खर्ब ६५ अर्ब ५६ करोड रुपैयाँ कर्जा प्रवाह भएको छ । नेपाल राष्ट्र बैंकका अनुसार गत पुस मसान्तसम्ममा यस्तो कर्जा प्रवाह ५ दशमलव २ प्रतिशतले बढेको हो । गतवर्षको यसै अवधिमा ४ प्रतिशतले वृद्धि भई १ खर्ब ९२ अर्ब ६४ करोड रुपैयाँ प्रवाह भएको थियो ।

वार्षिक बिन्दुगत आधारमा चालू आवको पहिलो ६ महिनामा बैंक तथा वित्तीय संस्थाहरूबाट निजी क्षेत्रतर्पm ७ प्रतिशतले कर्जा प्रवाह बढेको छ ।

सो अवधिमा गैर–वित्तीय संस्थागत क्षेत्रतर्फ ६४ दशमलव २ र व्यक्तिगत तथा घरपरिवार क्षेत्रतर्फ ३५ दशमलव ८ प्रतिशत कर्जा प्रवाह भएको छ । गत वर्षको सोही अवधिमा यस्तो कर्जा प्रवाह क्रमशः ६३ दशमलव २ र ३६ दशमलव ८ प्रतिशत थियो ।

समीक्षा अवधिमा निजी क्षेत्रतर्पm प्रवाहित कर्जामध्ये वाणिज्य बैंकको ५दशमलव ३, विकास बैंकको ४ दशमलव ४ र वित्त कम्पनीहरूको कर्जा प्रवाह ५ दशमलव ३ प्रतिशतले बढेको छ ।