काठमाडौं, १९ मंसिर । नेपाल प्रिमियर लिग (एनपीएल) मा विराटनगर किङ्ग्सले पहिलो जित हासिल गरेको छ ।

बुधबार भएको दोस्रो खेलमा विराटनगर किङ्ग्सले लुम्बिनी लायन्सलाई २ विकेटले पराजित गर्दै रोमाञ्चक जित निकालेको हो ।

लुम्बिनीले दिएको १ सय ९२ रनको लक्ष्य पछ्याएको विराटनगरले १ बल बाँकी छँदा नै ८ विकेट गुमाउदै पुरा गरेको हो ।

विराटनगरका ओपनर लोकेश बलमे ४७ बलमा ३ चौका र ५ छक्का मद्दतमा ७१ रन जोडे । त्यस्तै मार्टिन गुप्टिलले २८ रन, बसिर अहमदले ४० रन, प्रतिस जिसीले ६ रन बनाए ।

लुम्बिनीका दुर्गेश गुप्ताले तीन विकेट लिए । साद विन जफर र रामोन सिमोन्डले समान दुई विकेट लिए भने विवेक यादवले एक विकेट लिए ।