कठमाडौं, २२ जेठ । युवा तथा खेलकुद मन्त्रालयले टी–२० विश्वकप क्रिकेट प्रतियोगिताको प्रत्यक्ष प्रसारण गर्न देशभरका स्थानीय तहलाई पत्राचार गरेको छ । अमेरिकामा जारी टी–२० विश्वकप अन्तर्गत नेपाली टोलीले प्रतिस्पर्धा गर्ने प्रत्येक खेलको प्रत्यक्ष प्रसारण गर्न मन्त्रालयले देशभरका स्थानीय तहलाई पत्राचार गरेको हो ।

सम्बन्धित स्थानीय तहमा उपलब्ध स्रोत र साधनमार्फत् उपयुक्त स्थानमा नेपाली टोलीले प्रतिस्पर्धा गर्ने खेलको प्रत्यक्ष प्रसारण गरी खेलाडीको हौसला बढाउने बातावरण बनाउन स्थानीय तहलाई आग्रह गरेको हो ।

विश्वकपमा आज नेपालले नेदरल्यान्ड्ससँग आफ्नो पहिलो खेल खेल्दैछ । खेल आज राति सवा ९ बजेबाट डालासको ग्रान्ड प्रेरी क्रिकेट रङ्गशालामा सुरु हुँदैछ । १० वर्षपछि नेपाल टी–२० विश्वकप खेल्न लागेको हो ।