काठमाडौं, १५ माघ । आइएमई लाइफ इन्स्योरेन्स कम्पनी लिमिटेडले चालू आर्थिक वर्ष २०८१/८२ को ६ महिनामा २६ करोड ७८ लाख रुपैयाँ बराबरको खुद नाफा कमाएको छ ।

यो रकम गत आवको सोही अवधिको तुलनामा १४ दशमलव १२ प्रतिशतले बढी हो । गत आवको पुससम्ममा कम्पनीले २३ करोड ४७ लाख रुपैयाँ खुद नाफा कमाएको थियो ।

चालू आवको पुससम्ममा कम्पनीको खुद प्रिमियम आम्दानी २ अर्ब ३३ करोड पुगेको छ । गत आवको सोही अवधिमा कम्पनीको यस्तो आम्दानी १ अर्ब ९९ करोड रुपैयाँ रहेको थियो ।

कम्पनीले ६ महिनामा २ अर्ब ८७ करोड रुपैयाँ खर्च गरेको छ, जुन गत आवको सोही अवधिको तुलनामा १८.९७ प्रतिशतले बढी हो ।  कम्पनीको चुक्तापूँजी ५ अर्ब रुपैयाँ रहेको छ । समिक्षा अवधिसम्म कम्पनीले सेयर प्रिमियम शीर्षकमा ५२ करोड ३८ लाख रुपैयाँ सञ्चित गरेको छ ।

कम्पनीको सञ्चित आम्दानी १ अर्ब ३८ करोड रुपैयाँ छ भने विपत्ति कोष आकार २१ करोड ७५ लाख रुपैयाँ छ । त्यस्तै प्रतिसेयर आम्दानी (ईपिएस) १० रुपैयाँ ७१ पैसा र प्रतिसेयर नेटवर्थ १५२ रुपैयाँ २३ पैसा छ ।