46 Views
काठमाडौं, २ पुस । नेपाल प्रिमियर लिग (एनपीएल)को पुरस्कार घोषणा भएको छ । आयोजक नेपाल क्रिकेट संघ क्यानले विज्ञप्ति जारी गर्दै मंगलबार पुरस्कारको घोषणा गरेको हो ।
क्यानका अनुसार विजेता टोलीले एक करोड १० लाख पुरस्कार पाउने भएको छ । त्यस्तै उपविजेताले ५१ लाख रुपैयाँ, तेस्रो स्थान रहनेले २५ लाख रुपैयाँ, र चौथो स्थानमा रहने टोलीले १५ लाख रुपैयाँ पुरस्कार पाउने छन् ।
प्रतियोगिताकै उत्कृष्ट नेपाली खेलाडीलाई कार पुरस्कार दिने यसअघि नै क्यानले घोषणा गरिसकेको छ ।
प्रतियोगिताको प्लेअफ चरणमा सुदूरपश्चिम रोयल्स, जनकपुर बोल्ट्स, चितवन राइनोज, र कर्णाली याक्स रहेका छन् । बुधबारदेखि प्लेअफका खेलहरू सुरू हुँदे छन् ।
