एनपीएल : जितका लागि पोखरालाई १४० रनको लक्ष्य
अनलाइनसमय |
काठमाडौं, २७ मंसिर । नेपाल प्रिमियर लिग (एनपीएल) मा विराटनगर किंग्सले पोखरा एभेन्जर्सलाई जितका लागि १४० रनको लक्ष्य दिएको छ ।
कीर्तिपुरस्थित टीयू मैदानमा टस जितेर पहिले ब्याटिङ गरेको विराटनगरले निर्धारित २० ओभरमा ७ विकेट गुमाएर १३९ रन बनाएको हो ।
विराटनगरका लागि स्टक एडवार्डले ४५ रन बनाए । यस्तै लोकेश बमले २६ रन, निकोलस किर्तनले १९ रन, बसिर अहमदले २१ रन बनाए ।
बलिङतर्फ पोखराका सागर ढकाल र रेमोन रेइफरले २–२ विकेट लिए । यस्तै कुशल भुर्तेल र दिनेश खरेलले १–१ विकेट लिए ।
ताजा समाचार
