159 Views
काठमाडौं, १८ असोज । संस्कृति पर्यटन तथा नागरिक उड्डनमन्त्री बद्री पाण्डेले विपद् र चाडसँगै आएका कारण हवाई चाप बढेको बताएका छन् । शुक्रबार त्रिभुवन अन्तराष्ट्र्रिय विमानस्थलमा नेपाल हवाई नियन्त्रक संघको २३ औं वार्षिक साधरण सभालाई सम्बोधन गर्दै मन्त्री पाण्डेले यस्तो बताएका हुन् ।
मन्त्री पाण्डेले यात्रुहरुको सहजताका लागि मन्त्रालयले निरन्तर काम गरिरहेको बताए । पर्यटनमन्त्रालय सम्बद्ध संस्कृति,पर्यटन र हवाई नीतिहरु परिमार्जनको क्रममा रहेको बताउँदै उनले ऐन नीतिहरु बनाएर सुदृढिकरण गर्ने उद्घोष गरे ।
ट्रेड युनियन लगायतका संघ, संस्थाहरुले सत्यतथ्य कुरा मात्रै पस्कनु पर्नेमा उनको जोड छ । मन्त्री पाण्डेले नेपालको हवाई आकास सुरक्षित रहेको छ भन्ने सन्देश दिन समेत अनुरोध गरेका छन् ।
