काठमाडौं, ११ असार । नेपाल धितोपत्र बोर्डको अध्यक्ष नियुक्ति प्रक्रिया अघि बढाउन गठित सिफारिस समितिलाई महान्यायाधिवक्ता कार्यालयले २ सुझाव दिएको छ ।

बोर्डको अध्यक्षका सबै उम्मेदवार अन्तर्वार्तामा उपस्थित नभएपछि नियुक्ति प्रक्रिया कसरी अघि बढाउने भन्नेबारे समितिले महान्याधिवक्ताको कार्यालयबाट राय सुझाव मागेको थियो ।

सोही अनुसार महान्यायाधिवक्ताको कार्यालयले आवेदन परेका ५ जनामध्येबाट ३ जना छान्न सुझाव दिएको छ । त्यस्तै पुन सूचना जारी गरी तीन जनालाई कार्यप्रस्तुति तथा अन्तर्वार्ताका लागि बोलाउन सक्ने विकल्प पनि रहेको कार्यालयले जनाएको छ ।

सर्ट लिष्टमा परेका पाँचजनामध्ये तीनजना दुई पटकसम्म सूचना जारी गर्दा पनि अन्तर्वार्तामा अनुपस्थित भएपछि छनौट प्रक्रिया अन्योलमा परेको थियो ।