96 Views
काठमाडौं, २२ जेठ । नेपालका लागि चिनियाँ राजदूत चेन सोङले नेपाली राष्ट्रिय क्रिकेट टोलीलाई शुभकामना दिएका छन् । राजदूत सोङले मंगलबार सामाजिक सञ्जालमा एक भिडियो पोस्ट गर्दै टि २० विश्वकपमा प्रतिस्पर्धा गर्न लागेका नेपाली राष्ट्रिय क्रिकेट टीमलाई जितको शुभकामना दिएका हुन् ।
राजदूत सोङले भनेका छन्, ‘म नेपाली राष्ट्रिय क्रिकेट टिमलाई आगामी आईसीसी पुरुष टी २० विश्वकप प्रतियोगितामा भव्य सफलताको शुभकामना व्यक्त गर्छु । चियर्स नेपाल ।’
नेपाली राष्ट्रिय क्रिकेट टिमले आज टि २० विश्वकपअन्तर्गत नेदरल्याण्डसँग आफ्नो खेल खेल्दै छ । खेल नेपाली समयानुसार राति सवा ९ बजेबाट सुरु हुनेछ ।
