बढ्यो सुनचाँदीको मूल्य, कतिमा हुँदैछ कारोबार ?
अनलाइनसमय |
काठमाडौं, १४ असोज । केही दिनयता लगातार घटिरहेको सुनचाँदीको मूल्य आज भने बढेको छ । अघिल्लो कारोबार दिनको तुलनामा आज सुन तोलामा २ हजार ८ सय रुपैयाँले बढेको हो ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला २ लाख ९३ हजार ३०० रुपैयाँमा कारोबार भइरहेको छ । अघिल्लो कारोबार दिन मंगलबार सुन प्रतितोला २ लाख ९० हजार ५०० रुपैयाँमा कारोबार भएको थियो ।
त्यस्तै, आज चाँदी तोलामा ३० रुपैयाँले बढेको छ । मंगलबार प्रतितोला ४ हजार ३९५ रुपैयाँमा कारोबार भएको चाँदी आज ४ हजार ४२५ रुपैयाँ कायम भएको महासंघले जनाएको छ ।
