सशस्त्र प्रहरीका महानिरीक्षक पौडेलले लगाए दर्ज्यानी चिह्न
अनलाइनसमय |
काठमाडौं, २१ वैशाख । सशस्त्र प्रहरी बल नेपालका महानिरीक्षक (आईजीपी) नारायणदत्त पौडेलले दर्ज्यानी चिह्न लगाएका छन् ।
गृह मन्त्रालयमा आयोजित कार्यक्रममा सचिव राजकुमार श्रेष्ठले दर्ज्यानी चिह्न लगाइदिएका हुन् ।
यही वैशाख १४ गते बसेको मन्त्रिपरिषद् बैठकले अतिरिक्त महानिरीक्षक (एआईजी) पौडेललाई आईजीपी (सशस्त्र प्रहरी प्रमुख) मा बढुवा गर्ने निर्णय गरेको थियो ।
सशस्त्र प्रहरीका तत्कालीन महानिरीक्षक राजु अर्याल १८ वैशाखमा उमेर हदका कारण अनिवार्य अवकाशमा गएपछि पौडेलले सशस्त्र प्रहरीको कमाण्ड सम्हालेका छन् ।
ताजा समाचार
