119 Views
काठमाडौं, १० जेठ । मुगुको ताल्चा विमानस्थलमा जहाजमा ठोक्किएर विमानस्थल प्रमुख धीरेन्द्र भाम घाइते भएका छन् ।
जिल्ला प्रहरी कार्यालय मुगुका प्रमुख वीरेन्द्र थापाका अनुसार ताल्चा विमानस्थल स्टेसन प्रमुख धीरेन्द्र भाम सीता एयरको जहाजमा ठोक्किएर घाइते भएका हुन् । उनलाई सोही जहाजबाट उपचारका लागि नेपालगञ्ज लगिएको छ ।
नेपाल नागरिक उड्डयन प्राधिकरण ताल्चा कार्यालय स्रोतका अनुसार पाइलटले बोलाएपछि जहाज नजिकै जाँदा उनी चिप्लिएर लडेको पाइएको छ ।
जहाज स्टार्ट गर्ने समयमा पाइलटले जहाज नजिक स्टेशन प्रमुखलाई बोलाउँदा सो घटना भएको देखिएको छ ।
