काठमाडौं, २९ माघ । टी–२० विश्वकप अन्तर्गत नेपालले दोस्रो खेलमा नेपालले इटालीलाई १२४ रनको सामान्य लक्ष्य दिएको छ ।

मुम्बईस्थित वानखेडे मैदानमा जारी खेलमा टस हारेर पहिले ब्याटिङ गरेको नेपाल १९.३ ओभरमा १२३ रनमै अलआउट भयो ।

नेपालको लागि आरिफ शेखले सर्वाधिक २७ रन बनाए । रोहित पौडेलले २३, आसिफ शेखले २०, दीपेन्द्र सिंह ऐरीले १७, करण केसीले १८ रन जोडे । अन्य ब्याट्सम्यानले दोहोरो अंकमा रन जोड्न सकेनन् ।

बलिङतर्फ इटालीका क्रिसन कलुगामागेले ३ विकेट लिए भने बेन मनेन्टीले दुई विकेट लिए । त्यस्तै, अलि हसन, जेजे स्मट्स र जसप्रीत सिंहले एक–एक विकेट लिए ।