काठमाडौं, ५ माघ । चालू आर्थिक वर्ष (आव)को पहिलो ६ महिनामा वीरगञ्ज भन्सार कार्यालयले १ खर्ब बढि राजस्व संकलन गरेको छ । कार्यालयका अनुसार गत पुस मसान्तसम्ममा १ खर्ब १६ अर्ब ५८ करोड ८५ लाखरुपैयाँ राजस्व संकलन गरिएको हो ।

गत आवको पहिलो ६ महिनामाको तुलनामा चालू आवको सोही अवधिमा १२ अर्ब एक करोड बढी आम्दानी गरिएको छ । कार्यालयका सूचना अधिकारी उदयसिंह विष्टका अनुसार गत साउनमा १८ अर्ब ४४ करोड, भदौमा २० अर्ब ७३ करोड, असोजमा १९ अर्ब नौ करोड राजस्व संकलन गरेको थियो । त्यसैगरी कात्तिकमा १७ अर्ब ३३ करोड, मंसिरमा २० अर्ब ८० करोड र पुसमा २० अर्ब २० करोड रुपैयाँ उठाएको छ ।