काठमाडौं, ४ माघ । आजदेखि सुरु भएको आईसीसी महिला टी–२० विश्वकप ग्लोबल छनोटको आफ्नो पहिलो खेलमा नेपाल थाइल्यान्डसँग पराजित भएको छ । आइतबार काठमाडौंको कीर्तिपुरस्थित त्रिवि क्रिकेट मैदानमा भएको खेलमा नेपाल थाइल्यान्डसँग ८ विकेटले पराजित भएको हो ।

नेपालले दिएको १२३ रनको लक्ष्य थाइल्यान्डले १६.५ ओभरमा २ विकेटको क्षतिमा पूरा ग¥यो ।

थाइल्यान्डका लागि नथाकन चन्थमले अविजित ५७ रन बनाउँदै अविजित रहिन् । त्यसतै, नानपत कोन्चारोन्काईले ३२, अफिसरा सुवानचोनराथीले २८ रन जोडिन् । नेपालका लागि दुवै विकेट सीता रानामगरले लिइन् ।

त्यसअघि टस हारेर पहिले ब्याटिङ गरेको नेपालले २० ओभरमा अलआउट हुँदै १२२ रन बनाएको थियो । नेपालका लागि बिन्दु रावलले सर्वाधिक ४४ रन बनाइन् । त्यस्तै, सम्झना खड्काले २६ र रुबिना क्षेत्रीले १७ रन जोडिन् ।