काठमाडौं, २८ पुस । नेपाली पुँजी बजारमा सुचीकृत दुई ओटा लघुवित्त वित्तीय संस्थाहरू एफपीओ अनुमतिको पर्खाइमा छन् । नेपाल धितोपत्र बोर्ड (सेबोन)को एफपीओ पाइपलाइनमा मातृभूमि र नेशनल लघुवित्त छन् ।

सेबोनका अनुसार हाल १८ करोड १९ लाख रुपैयाँ बराबरको १८ लाख १९ हजार ८८३ कित्ता निष्काशनको प्रक्रियामा छ ।

मातृभूमिको १०० रुपैयाँ अंकित दरमा ११ लाख ४९ हजार ९८२ कित्ता र नेशनल लघुवित्तको २७०.४९ रुपैयाँ प्रिमियममा ६ लाख ६९ हजार ९०० कित्ता शेयर पाइपलाइनमा छ ।

नेपाल राष्ट्र बैंक र सेबोनको व्यवस्था अनुसार लघुवित्त वित्तीय संस्थामा न्यूनतम ३० प्रतिशत शेयर सर्वसाधारणको स्वामित्वमा हुनुपर्ने प्रावधान छ । मर्जरपछि सार्वजनिक शेयरको अनुपात तोकिएको सीमाभन्दा कम हुन पुगेमा त्यसलाई मिलाउन एफपीओ जारी गरिन्छ ।