काठमाडौं, १ पुस । नेपाली महिला राष्ट्रिय क्रिकेट टिमको मुख्य प्रशिक्षकमा हर्षल जयन्त पाठक नियुक्त भएका छन् । उनलाई क्यानले मुख्य प्रशिक्षक नियुक्त गरेको हो ।

क्यानले आसन्न महिला टी–२० विश्वकपको ग्लोबल छनोटअघि नयाँ विदेशी प्रशिक्षक भित्र्याएको हो । साथै पहिलोपटक महिला टोलीका लागि विदेशी प्रशिक्षक भित्र्याएको हो ।

हर्षल यसअघि थाइल्यान्ड महिला राष्ट्रिय क्रिकेट टिमको प्रमुख प्रशिक्षकको रूपमा कार्यरत थिए । उनी भारतीय क्रिकेट कन्ट्रोल बोर्ड (बिसीसीआई) को लेभल–बी प्रशिक्षक हुन् ।

महिला टी–२० विश्वकपको ग्लोबल छनोट सन् २०२६ को जनवरीमा नेपालमै हुँदैछ । त्यसका लागि नेपाली महिला राष्ट्रिय क्रिकेट टिम अहिले क्याम्पमा व्यस्त छ ।