काठमाडौं, ८ मंसिर । सोमबार नेपाल स्टक एक्सचेन्ज (नेप्से) परिसूचक बढेको छ । आज नेप्से परिसूचक ४७ दशमलव २२ अङ्कले बढेर दुई हजार ६४७ दशमलव ४४ बिन्दुमा कायम भएको हो ।

आज १ करोड ४२ लाख ४ हजार ३६२ कित्ता शेयर किनबेच हुँदा ७ अर्ब ३ करोड ५४ लाख रुपैयाँको कारोबार भएको छ । अघिल्लो कारोबार दिन आइतबार ६ अर्ब २८ करोड ६७ लाख रुपैयाँ बराबरको कारोबार भएको थियो ।

सोमबार सबै समूहको उपसूचक बढेको छ । यसदिन जीवन बीमा समूह सर्वाधिक ४ दशमलव ९४ प्रतिशतले बढेको छ ।

यस्तै निर्जीवन बीमा २ दशमलव ९९, होटेल तथा पर्यटन २ दशमलव २४, माइक्रोफाइनान्स १ दशमलव ९३, लगानी १ दशमलव ८३, अन्य १ दशमलव ६५, उत्पादन तथा प्रशोधन १ दशमलव ६४, फाइनान्स १ दशमलव ४२, विकास बैंक १ दशमलव २१, बैंकिङ १ दशमलव ४, म्युचुअल फण्ड शून्य दशमलव ७९, व्यापार शून्य दशमलव ७६ र हाइड्रोपावर समूहको उपसूचक शून्य दशमलव ८ प्रतिशतले बढेको छ ।

आज ४ कम्पनीको शेयर मूल्यमा सकारात्मक सर्किट लागेको छ । सर्किट लाग्नेमा झापा इनर्जी, सागर डिस्टीलरी, बन्दिपुर केवलकार एण्ड टुरिजम र स्वस्तिक लघुवित्त रहेका छन् ।

आज मावुलिङ इनर्जी ४ दशमलव ४४ र राप्ति हाइड्रो एण्ड जनरल कन्स्ट्रक्सनको शेयर मूल्य २ दशमलव ०७ प्रतिशतले ह्रास आएको छ ।