काठमाडौं, २ मंसिर । मंगलबार नेपाल स्टक एक्सचेन्ज (नेप्से) परिसूचक बढेको छ । आज नेप्से परिसूचक १५ दशमलव ७० अङ्कले बढेर दुई हजार ५६६ दशमलव ०७ बिन्दुमा कायम भएको हो ।

आज ९२ लाख ५५ हजार ४५७ कित्ता शेयर किनबेच हुँदा ४ अर्ब १० करोड ५४ लाख रुपैयाँको कारोबार भएको छ । अघिल्लो कारोबार दिन सोमबार ३ अर्ब ९४ करोड ६० लाख रुपैयाँ बराबरको कारोबार भएको थियो ।

मंगलबार सबै समूहको उपसूचक बढेको छ । यसदिन होटेल तथा पर्यटन सर्वाधिक १ दशमलव २८ प्रतिशतले बढेको छ ।

यस्तै विकास बैंक १ दशमलव २५, लगानी १ दशमलव १९, हाइड्रोपावर शून्य दशमलव ९३, फाइनान्स शून्य दशमलव ८९, निर्जीवन बीमा शून्य दशमलव ८४, अन्य शून्य दशमलव ५३, माइक्रोफाइनान्स शून्य दशमलव ४७, जीवन बीमा शून्य दशमलव ४६, बैंकिङ शून्य दशमलव ३१, व्यापार शून्य दशमलव ०९, म्युचुअल फण्ड शून्य दशमलव ०८ र उत्पादन तथा प्रशोधन समुहको उपसूचक शून्य दशमलव २ प्रतिशतले बढेको छ ।

आज चार कम्पनीको शेयर मूल्यमा सकारात्मक सर्किट लागेको छ । सर्किट लाग्नेमा मावुलिङ इनर्जी, बुङ्गल हाइड्रो, सागर डिस्टीलरी र झापा इनर्जी रहेका छन् । यस्तै बन्दिपुर केवलकार एण्ड टुरिजमको शेयर मूल्य ९ दशमलव ९८ प्रतिशतले बढेको छ ।

आज कुमारी सवल योजना ३ दशमलव ४९, हिमालयन पावर पार्टनर २ दशमलव ७८, आरबीबी म्युचुअल फण्डको शेयर मूल्य २ प्रतिशतले ह्रास आएको छ ।