काठमाडौं, १५ भदौ । चालू आर्थिक वर्ष (आव) २०८२/८३ को पहिलो महिना (साउन)मा निर्जीवन बीमा कम्पनीहरूले ४ अर्ब ३९ करोड ६७ लाख रुपैयाँको बीमा शुल्क संकलन गरेका छन् ।

नेपाल बीमा प्राधिकरणका अनुसार १ गतेदेखि साउन मसान्तसम्मकमा १४ ठूला र चार लघु निर्जीवन बीमा कम्पनीहरूले सो रकम संकलन गरेका हुन् ।

सो अवधिमा सबैभन्दा बढी सगरमाथा लुम्बिनी इन्स्योरेन्सले ४५ करोड ५४ लाख, सिद्धार्थ प्रिमियरले ४१ करोड ७९ लाख र शिखर इन्स्योरेन्सले ४१ करोड ५५ लाख रुपियाँ कूल बीमाशुल्क संकलन गरेको छ ।

लघु बीमातर्फ सबैभन्दा बढी प्रोटेक्टिभ माइक्रो इन्स्योरेन्सले २ करोड ८ लाख रुपियाँ कूल बीमा शुल्क संकलन गरेको छ ।