काठमाडौं, १३ साउन । हिमालयन बैंकको एफपीओ बाँडफाँट भएको छ । कमलादीस्थित बैंकको भवनमा आज बिहान ९ बजे एफपीओ बाँडफाँट भएको हो ।

बैंकले प्रतिकित्ता १०० रुपैयाँमा ५७ रुपैयाँ प्रिमियम थप गरी कुल १५७ रुपैयाँमा गत असार ३१ गतेदेखि साउन ४ गतेसम्म ९२ लाख ५० हजार ४६९ कित्ता एफपीओ निष्काशन गरेको थियो ।

एफपीओमा कुल १८ लाख २५ हजार ९२२ जनाले ३ करोड ८५ लाख ९१ हजार १६० कित्ता शेयरका लागि आवेदन दिएका थिए । यीमध्ये १७ लाख ४ हजार २७३ जनाको आवेदन स्वीकृत भएको थियो भने १ लाख २१ हजार ६४९ जनाको आवेदन अस्वीकृत भएको थियो ।

जस अनुसार कुल ९ लाख २५ हजार ४६ जनाले १० कित्ताका दरले बैंकको शेयर पाएका छन् । यीमध्ये पनि ९ जनाले ११ कित्ताका दरले शेयर हात पारेका छन् भने ९ लाख २५ हजार ३७ जनाले १० कित्ताका दरले पाएका छन् ।