तोलामा सामान्य बढ्यो सुनको मूल्य, चाँदीको स्थिर
अनलाइनसमय |
काठमाडौं, २६ फागुन । नेपाली बजारमा सोमबार पनि सुनको मूल्य सामान्य बढेको छ । आज सुनको मूल्य तोलामा १ सय रुपैयाँले बढेको हो ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख ७० हजार ४ सय रुपैयाँमा कारोबार भईरहेको छ । आइतबार सुन तोलामा १ सय रुपैयाँले बढेर १ लाख ७० हजार ३ सय रुपैयाँमा कारोबार भएको थियो ।
त्यस्तै आज चाँदीको मूल्य भने स्थिर रहेको छ । यस दिन चाँदी प्रतितोला १ हजार ९ सय ८५ रुपैयाँमा कारोबार भईरहेको महासँघले जनाएको छ । अघिल्लो दिन पनि चाँदी सोही मूल्यमा कारोबार भएको थियो ।
