काठमाडौं, १४ असोज । हाल मनसुनको न्यून चापीय रेखा सरदर स्थानको आसपास रहेको छ । साथै देशभर मनसुनी वायु र पश्चिमी वायुको आंशिक प्रभाव रहेको जल तथा मौसम विज्ञान विभागले जनाएको छ ।

अहिले कर्णाली र सुदूरपश्चिम प्रदेशको हिमाली भू–भागमा आंशिक बादल लागेको छ । देशका पहाडी भू–भागमा मौसम मुख्यतया सफा देखि आंशिक बादल लागेको छ । देशका तराई भू–भागको थोरै ठाँउमा हुस्सु लागेको छ ।

विभागका अनुसार आज दिउँसो कोशी र बागमती प्रदेशको हिमाली र पहाडी भू–भाग तथा गण्डकी, कर्णाली र सुदूरपश्चिम प्रदेशको पहाडी भू–भागमामा साधारणतया बादल लाग्ने, कर्णाली र सुदूरपश्चिम प्रदेशको हिमाली भू–भागमा आंशिक बादल लाग्नेछ । देशका तराई भू–भागमा आंशिक बादल लाग्नेछ । साथै देशका हिमाली भू–भागको एक–दुई स्थानमा हल्का वर्षा र हिमपातको सम्भावना छ । देशका पहाडी भू–भागको थोरै स्थानमा हल्का वर्षा र हिमपातको सम्भावना रहेको विभागले जनाएको छ ।

आज राती कोशी र बागमती प्रदेशको हिमाली र पहाडी भू–भागका एक–दुई स्थानमा हल्का वर्षा र हिमपातको सम्भावना छ ।