काठमाडौं, ७ असोज । बुधबार नेपाल स्टक एक्सचेन्ज (नेप्से) परिसूचक घटेको छ । आज नेप्से परिसूचक ३६ दशमलव २५ अंकले घटेर दुई हजार ६१८ दशमलव ०३ बिन्दुमा कायम भएको हो ।

आज २ करोड १६ लाख २२ हजार ७२८ कित्ता शेयर किनबेच हुँदा ६ अर्ब ३५ करोड ६६ लाख रुपैयाँको कारोबार भएको छ ।

आज २३ धितोपत्रको शेयर मूल्य बढ्दा २५३ को घटेको छ । यस्तै २ धितोपत्रको भने स्थिर रहेको छ । यसदिन कुल ३५२ धितोपत्र कारोबारमा आएका छन् ।

आज सबै समूहको उपसूचक घटेको छ । यसदिन जीवन बीमा सर्वाधिक २ दशमलव ०४ प्रतिशतले घटेको छ ।

आज धौलागिरी लघुवित्तको शेयर मूल्यमा सकारात्मक सर्किट लागेको छ । यसैगरि सीवाइसी नेपाल लघुवित्त ५ दशमलव ४४, निफ्रा ग्रिन इनर्जी डेभेन्जरको शेयर मूल्य ५ दशमलव ०४ प्रतिशतले बढेको छ ।

यसदिन फस्ट माइक्रो फाइनान्स लघुवित्त ८ दशमलव ५४, माउण्ट एभरेष्ट पावर इन्भेष्टमेन्ट ५ दशमलव ७२, कालिका लघुवित्त ५ दशमलव २६ र नेपाल इन्भेष्टमेन्ट मेगा बैंक प्रमोटरको शेयर मूल्य ५ दशमलव १७ प्रतिशतले घटेको छ ।