काठमाडौं, ३१ भदौ । बुधबार नेपाल स्टक एक्सचेन्ज (नेप्से) परिसूचक घटेको छ । आज नेप्से परिसूचक २१ दशमलव १९ अंकले घटेर दुई हजार ६१२ दशमलव ४२ बिन्दुमा कायम भएको हो ।

आज १ करोड ५१ लाख १ हजार ५५५ कित्ता शेयर किनबेच हुँदा ५ अर्ब ३८ करोड ९५ लाख रुपैयाँको कारोबार भएको छ । अघिल्लो कारोबार दिन मंगलबार ८ अर्ब २८ करोड ८६ लाख रुपैयाँ बराबरको कारोबार भएको थियो ।

आज ४२ धितोपत्रको शेयर मूल्य बढ्दा २२५ को घटेको छ । यस्तै १२ धितोपत्रको भने स्थिर रहेको छ । यसदिन कुल ३५० धितोपत्र कारोबारमा आएका छन् ।

आज सबै समूहको उपसूचक घटेको छ । यसदिन हाइड्रोपावर सर्वाधिक १ दशमलव ०४ प्रतिशतले घटेको छ ।

बुधबार नारायणी डेभलवमेन्ट बैंक ६ दशमलव ३७, हिमाल दोलखा हाइड्रोपावर ५ दशमलव ३१, माउण्ट एभरेष्ट पावर डेभलवमेन्ट ४ दशमलव ३८, कालिका लघुवित्त ४ दशमलव ३४ र बोटलर्स नेपाल (बालाजु)को शेयर मूल्य ३ दशमलव ५९ प्रतिशतले बढको छ ।

यसदिन एनएमबी हाइब्रिड फण्ड ७ दशमलव ७३, रिज लाइन इनर्जी ५ दशमलव २१, स्वाभिमान लघुवित्त ४ दशमलव ५८ र सिन्धु विकास बैंकको शेयर मूल्य ४ दशमलव ४४ प्रतिशतले घटेको छ ।