काठमाडौं, ३० भदौ । कारोबारको पहिलो दिन सोमबार नेपाल स्टक एक्सचेन्ज (नेप्से) परिसूचक बढेको छ । आज नेप्से परिसूचक ४८ दशमलव ५७ अंकले बढेर दुई हजार ६३३ दशमलव ६२ बिन्दुमा कायम भएको हो ।

आज २ करोड ३ लाख ८३ हजार ५४४ कित्ता शेयर किनबेच हुँदा ८ अर्ब २८ करोड ८६ लाख रुपैयाँको कारोबार भएको थियो ।

सोमबार सबै समूहको उपसूचक बढेको छ । यसदिन निर्जीवन बीमा समूह सर्वाधिक २ दशमलव ८२ प्रतिशतले बढेको छ ।

यस्तै धौलागिरी लघुवित्त १४ दशमलव ९६, सिन्धु विकास बैंक ११ दशमलव ०३, मल्टिप्रपोज फाइनान्स ९ दशमलव ७३, जनक फाइनान्स ८ दशमलव ०६ र मिड सोलु हाइड्रोपावरको शेयर मूल्य ६ दशमलव ६७ प्रतिशतले बढेको छ ।