130 Views
काठमाडौं, ३ जेठ । भारतीय फुटबल टिमका कप्तान सुनिल क्षेत्रीले अन्तर्राष्ट्रिय फुटबलबाट सन्यासको घोषणा गरेका छन् । सुनिलले बिहीबार सामाजिक सञ्जाल एक्समा भिडियो शेयर गर्दै अन्तर्राष्ट्रिय फुटबलबाट सन्यासको घोषणा गरेका हुन् ।
उनले सामाजिक सञ्जाल एक्समा लेखेका छन्, ‘म त्यो दिन कहिल्यै भुल्ने छैन, जब पहिलो पटक मैले देशका लागि खेल्ने मौका पाएको थिएँ ।’
कप्तान क्षेत्रीले आगामी जुन ६ मा कुवेतविरुद्ध भारतका लागि अन्तिम खेल खेल्नेछन् ।
उनले १२ जुन २००५ मा भारतका लागि डेब्यु गरेका थिए । अन्तर्राष्ट्रिय फुटबलमा क्रिष्टियानो रोनाल्डो (२०५ खेलमा १२८ गोल) र लिओनल मेस्सी (१८० खेलमा १०६ गोल) पछि धेरै गोल सुनिलले गरेका छन् । साथै उनले १५० खेलमा ९४ गोल गरेका छन् ।
