काठमाडौं, ११ वैशाख । मिलेनियम च्यालेन्ज कर्पोरेसन (एमसीसी) अन्तर्गत विकासशील मुलुकहरूमा सञ्चालित अनुदान सहयोग कार्यक्रमलाई अमेरिका बन्द गर्ने तयारीमा जुटेको छ । संघीय खर्च कटौती गर्ने रणनीतिअनुसार एलन मस्कको नेतृत्वमा रहेको सरकारी कार्यक्षमता विभागले एमसीसी परियोजना बन्द गर्ने संकेत दिएको हो ।

सीएनएनले उद्धृत गरेका स्रोतहरूका अनुसार मंगलबार एमसीसीका कर्मचारीहरूलाई पठाइएको आधिकारिक इमेलमा परियोजना बन्द गर्न लागिएको जनाइएको छ । यो सूचना सरकारी कार्यक्षमता विभाग ९डोज० ले एमसीसीमा नियन्त्रण गर्न सुरु गरेको एक हप्तापछि मात्र आएको हो ।

सूचना अनुसार, आगामी मे ५ देखि एमसीसीका अधिकांश कर्मचारीहरूलाई ’अनपेड लिभ’ मा राख्ने तयारी भइरहेको छ । कार्यवाहक सीईओ बाहेकका सबै कर्मचारीहरूको पद समाप्त गरिने सम्भावना छ ।

नेपालमा हालसालै कार्यान्वयनमा ल्याइएको एमसीसी परियोजनाको भविष्य अहिले अन्योलमा परेको छ । यद्यपि यसबारे अमेरिकी पक्षबाट औपचारिक धारणा अझै आइसकेको छैन ।