सप्तकोशीको जलसतह उच्च, २० ढोका खोलियो
अनलाइनसमय |
काठमाडौं, ३० भदौ । सप्तकोशी नदीमा पानीको बहाव केही घटे पनि जल सतह अझै खतराको बिन्दुमाथि रहेको छ । कोशी परियोजनाका अनुसार मंगलबार बिहान ११ः१५ बजेसम्म सप्तकोशीमा १ लाख ६६ हजार २६५ क्युसेक पानी मापन गरिएको छ ।
यो बहाव गएरातिको तुलनामा केही कम हो । पानीको बहाव घटेसँगै सप्तकोशी ब्यारेजका खोलिएका ढोकाको संख्या पनि घटाइएको छ ।
हाल ब्यारेजबाट बिहारतर्फ पानी निकासका लागि २० वटा ढोका खुला राखिएको छ । यसअघि पानीको बहाव उच्च भएपछि २६ वटासम्म ढोका खोलिएको थियो ।
