पाकिस्तानद्वारा नेपाललाई १०० टन राहत सामग्री हस्तान्तरण
अनलाइनसमय |
काठमाडौं, २२ भदौ । पाकिस्तानले नेपालमा गत भदौ १० गते आएको विनाशकारी बाढी प्रभावितहरूका लागि १०० टन बराबरको राहत सामग्री हस्तान्तरण गरेको छ ।
पाल (टेन्ट), कम्बल, चटाई, सरसफाइ सामग्री (हाइजिन किट) तथा अत्यावश्यक औषधिहरू समावेश भएको राहत सामग्री आज काठमाडौं आइपुगेको नेपालस्थित पाकिस्तानी दूतावासले जनाएको छ ।
राजदूत महामहिम अमिर खानले नेपालका मन्त्री महावीर पुनलाई राहत सामग्री हस्तान्तरण गर्दै नेपाली जनताप्रति पाकिस्तानको निरन्तर सहयोग र ऐक्यबद्धता पुनः दोहोर्याए ।
पाकिस्तानले बाढी तथा पहिरोका कारण ज्यान गुमाउनेका शोकन्त परिवार र प्रभावित सबैजनाप्रति गहिरो समवेदना प्रकट गर्दै नेपाललाई सम्भव भएसम्मका सबै सहयोग गर्न तयार रहेको जनाएको छ ।
