अस्पतालमा जनशक्ति अभाव घटाउन ९७७ दरबन्दी थपिँदै
अनलाइनसमय |
काठमाडौं, २४ वैशाख । स्वास्थ्य तथा जनसंख्या मन्त्रालयले स्वास्थ्य क्षेत्रमा ९७७ नयाँ प्राविधिक तथा विशेषज्ञ स्थायी दरबन्दी थप्ने प्रक्रिया अघि बढाएको छ । यससम्बन्धी प्रस्ताव अर्थ मन्त्रालयबाट स्वीकृत भइसकेको छ भने अब मन्त्रिपरिषद्को निर्णय बाँकी रहेको मन्त्रालयले जनाएको हो ।
प्रस्ताव मन्त्रिपरिषद्बाट पारित भएमा नेपालमा ३४ वर्षपछि पहिलोपटक यति ठूलो संख्यामा स्थायी स्वास्थ्य दरबन्दी थपिनेछ । यसले संघीय अस्पताल, प्रदेशस्तरीय स्वास्थ्य संस्था तथा विशेषज्ञ सेवामा देखिएको जनशक्ति अभाव कम गर्न सहयोग पुग्ने अपेक्षा गरिएको छ ।
ताजा समाचार
