सिंहदरबारमा प्रमुख चार दलका नेताहरूबीच छलफल
अनलाइनसमय |
काठमाडौं, ४ माघ । प्रतिनिधि सभाका प्रमुख चार दलका नेताहरूबीच छलफल भएको छ । शुक्रबार सिंहदरबारस्थित नेकपा एमालेको संसदीय दलको कार्यालयमा मुख्य दलका प्रमुख सचेतकहरुबीच छलफल भएको हो ।
छलफलमा नेपाली कांग्रेसका प्रमुख सचेतक श्याम घिमिरे, एमालेका महेश बर्तौँला, माओवादी केन्द्रका हितराज पाण्डे र रास्वपा सन्तोष परियार सहभागी छन् ।
सरकारले संसद अधिवेशन बोलाउने तयारी गरेपछि सदनलाई प्रभावकारी ढंगले चलाउने विषयमा प्रमुख दलका प्रमुख सचेतकहरू छलफलमा जुटेका हुन् ।
सरकारले संसदलाई दिएको विधेयकहरु छिटोछरितो ढंगबाट कानून निर्माणको तहमा पु¥याउन संसदीय दलहरुले भुमिका खेल्ने विषयमा छलफल भएको उनले बताए । उनले सदनलाई प्रभावकारी ढंगले चलाउने बिषयमा एकमत निर्माण गरेर अगाडि बढ्नेगरी छलफल भएको बताए ।
ताजा समाचार
