काठमाडौं, ९ पुस । महुली लघुवित्त वित्तीय संस्था लिमिटेडले पुष ५ गतेदेखि निष्कासन तथा बिक्री खुला गरेको एफपीओमा आवेदन दिने आज अन्तिम दिन रहेको छ ।

कम्पनीले प्रति कित्ता सय रुपैयाँका दरले ४ करोड ७५ लाख ४४ हजार ९१५ रुपैयाँ बराबरको ४ लाख ७५ हजार ४४९.१५ कित्ता एफपीओ निष्कासन गरेको थियो । यसमा न्यूनतम १० देखि अधिकतम १ हजार कित्तासम्म आवेदन दिन सकिने छ ।

उक्त एफपीओमा सोमबारसम्म १ अर्ब ९६ करोड ६० लाख ५३ हजार रुपैयाँ बराबरको आवेदन परेको छ । सीडीएस एण्ड क्लियरिङ लिमिटेडका अनुसार सोमबार साँझ ५ः०६ बजेसम्ममा १३ लाख ८६ हजार २०३ जनाबाट १ करोड ९६ लाख ६० हजार ५३० कित्ता शेयरका लागि आवेदन परेको हो । जुन मागभन्दा ४१.३५ गुणा बढी हो ।

कम्पनीको शेयर निष्कासन तथा बिक्री प्रबन्धक लक्ष्मी सनराइज क्यापिटल रहेको छ । यसमा आवेदन दिन सि–आस्बा सदस्य रहेका बैंक तथा वित्तीय संस्था र मेरो शेयर मार्फत दिन सकिने छ ।