61 Views
काठमाडौं, २० मंसिर । यस साताको कारोबारको अन्तिम दिन नेपाल स्टक एक्सचेन्ज (नेप्से) परिसूचक दोहोरो अङ्कले घटेको छ । बिहीबार परिसूचक १५ दशमलव ९३ अङ्कले घटेर २ हजार ७ सय ३४ दशमलव ९३ को विन्दुमा बन्द भएको छ । अघिल्ले नि नेप्से २४.९७ अङ्कले घटेर २,७५० को विन्दुमा कायम भएको थियो ।
नेप्सेमा आएको ह्राससँगै आज कारोबार रकम पनि घटेको छ । एक करोड ६७ लाख ९७ हजार ७२७ कित्ता शेयर ८७ हजार ४७६ पटक किनबेच हुँदा ८ अर्ब ३६ करोड ९६ लाख रुपैयाँ बराबरको कारोबार भएको छ । अघिल्लो दिन आइतबार ९ अर्ब १३ करोड २४ लाखको कारोबार भएको थियो ।
बिहीबार ३०७ धितोपत्र कारोबारमा आए, जसमध्ये २०१ धितोपत्रको मूल्य घटेको छ । त्यस्तै ४० धितोपत्रको मूल्य घटेको छ भने ३ वटा धितोपत्रको मूल्य स्थिर छ ।
यस दिन कारोबार भएका १३ समूहको उपसूचकमध्ये व्यापार तथा जीवन बीमा समूहको उपसूचक बाहेक सबै समूहको उपसूचक घटेको छ । आज सबैभन्दा बढी होटल एन्ड टुरिजम समूहको उपसूचक ३.६३ प्रतिशतले घटेको छ । त्यस्तै फाइनान्सको २.८०, उत्पादनमुलक समूहको १.२८, माइक्रो फाइनान्सको १.१४, विकास बैंकको १.०८, बैंकिङको ०.९७, लगानी समूहको ०.९०, हाइड्रोपावरको ०.८८, म्युचुअल फन्डको ०.२९, निर्जीवन बीमाको ०.०७ र अन्य समूहको उपसूचक ०.४८ प्रतिशतले घटेको छ ।
बिहीबार सबैभन्दा बढी खानीखोला हाइड्रोपावरको शेयरमूल्य ९.९८ प्रतिशतले बढेको छ । त्यस्तै सुपर मादी हाइड्रोपावरको ९.९५, महिला लघुवित्त वित्तीय संस्थाको ९.८१, लाइफ इन्स्योरेन्स कर्पाेरेशन नेपाल लिमिटेडको ७.९९ र १०.२५ प्रतिशत केबीएल डिबेन्चर २०८६ को ६.११ प्रतिशतले शेयर मूल्य बढेको छ ।
आज सपोर्ट माइक्रोफाइनान्सको शेयर मूल्य ८.३७ प्रतिशतले शेयर मूल्य घटेको छ । त्यस्तै नेपाल फाइनान्सको ७.१५, गँुरास लघुवित्तको ६.५२, तारागाउँ रिजेन्सी होटलको ६.१० र इन्ग्वा हाइड्रोपावरको ५.३३ प्रतिशतले शेयर मूल्य घटेको छ ।
कारोबार रकमका आधारमा नेपाल फाइनान्स, एनआरएन इन्फ्रास्ट्रक्चर, लाइफ इन्स्योरेन्स कर्पोरेसन, रसुवागढी हाइड्रोपावर र जानाकी फाइनान्स क्रमशः अगाडि छन् ।
