161 Views
काठमाडौं, २० असोज । काठमाडौं जिल्लाको तारकेश्वर नगरपालिका वडा नं. ४ सानो पुलमा रहेको ‘तारकेश्वर सिटी हस्पिटल’ शनिबारबाट सञ्चालनमा आएको छ । बरिष्ठ डाक्टर तथा प्रतिष्ठित व्यक्तीहरुको संयुक्त लगानिमा गुणस्तरिय स्वास्थ्य सेवा दिने उदेश्यले सो हस्पिटल सञ्चालनमा ल्याइएको हो ।
तारकेश्वर नगरपालिकाका प्रमुख कृष्णहरि महर्जनले एक समारोहबिच अस्पतालको उद्घाटन गरेका हुन् ।
२४ घण्टा नै चिकित्सा सेवा दिने उद्देश्यले आधुनिक सेवा सुविधासहित स्थापना भएको अस्पतालमा शल्यक्रिया कक्षसमेतको सुविधा छ । हाल १५ शय्या रहेको अस्पतालले नाफामूलकभन्दा सेवामूलक ढङ्गले सेवा प्रदान गर्ने प्रतिबद्धता जनाएको छ ।
अस्पतालका अध्यक्ष डा. ऋषिकुमार कार्कीले बिगत १५ वर्षदेखि विभिन्न १६–१७ वटा अस्पतालमा काम गरेको अनुभव सुनाउँदै समयमै उपचार पायो भने ९० प्रतिशत बिरामी बाच्ने र अहिलेसम्म हासिल गरेको अनुभवलाई स्वास्थ्य सेवामा समर्पित गर्ने बताए ।
चक्रपथ क्षेत्रमा रहेका अस्पतालमा पाउने सुविधा सुलभ शुल्कमा तारकेश्वर सिटी अस्पतालले दिने र पैसाको अभावमा उपचार नपाउने अवस्थाको अन्त्य गर्ने अस्पतालले दाबी गरेको छ ।
