काठमाडौं, ३० जेठ । नेकपा एमालेका सांसद रघुजी पन्तले नेपाल सरकारको उच्च तहमा कार्यरत कर्मचारीले विदेशी नागरिकता लिएको भन्दै ती व्यक्तिहरू चिन्न पाउनुपर्ने बताएका छन् । बुधबार बसेको प्रतिनिधिसभाको शून्य समयमा बोल्दै उनले अख्तियारले कर्मचारीहरूसँग पीआर र दोहोरो नागरिकता रहेको र यस सम्बन्धमा छानबिन गर्नका लागि प्रधानमन्त्री तथा मन्त्रिपरिषदको कार्यालयलाई पत्र पठाएको तर प्रधानमन्त्री कार्यालयबाट अगाडि नबढेको भन्दै उनले प्रश्न उठाए ।
पन्तले ती कर्मचारीमाथि कारबाही गरेर संसदलाई जानकारी दिन माग गरे ।

उनले भने,‘‘कोको हुन् ? केही विशिष्ठ श्रेणीका कर्मचारी पनि त्यसमा छन रे । नेपाल सरकारको नुन खाँदाखाँदै विदेशी नागरिकता लिन रहर लाग्ने महानुभाव को हुनुहुँदो रहेछ त्यो हामीले चिन्न पाउनुप¥यो । छिटो कारबाही गरेर संसद्लाई जानकारी दिइयोस् ।’

कर्मचारीहरूसँग पीआर र दोहोरो नागरिकता छ कि छैन, भनेर अख्तियार दुरुपयोग अनुसन्धान आयोगले छानबिन गर्न दिएको निर्देशनको पत्र प्रधानमन्त्री तथा मन्त्रिपरिषदको कार्यालयमा अल्मलिएको उनको दाबी छ ।