124 Views

फागुन-१०, काठमाडौं। शुक्रवार राती ८ः०० बजे एकान्तकुना स्थीत नख्खु दोबाटोमा एन सेल कार्यालयको गेटमा राखिएको बम पड्किँदा ३ जना सर्वसाधारण बमको छर्राले लागेर घाइते भएका छन् । घाइतेहरुमा सिंहप्रताप गुरुङ,प्रतिक्षा खँड्का र अनुषा डंगोल रहेका छन् । घाइतेहरुलाई अल्का, बिएण्ड बी र मेडिसिटी अस्पतालमा उपचार भइरहेको छ । सिंहको अवस्था चिन्ताजनक छ ।

सोहि समयमा काठमाडौंको कमलपोखरी स्थीत आँगन मिठाई पसलमा राखिएको प्रेसर कुकर बम भने नेपाली सेनाको बम डिस्पोजल टोलीले निष्क्रिय पार्न सफल भएको छ । स-साँझै राखिएको उक्त प्रेसर कुकर बमलाई डिस्पोज गर्न सुरक्षा टोली सफल भए पनि कसले कुन नियतले बम राखेको हो ? सो को आधिकारिक विवरण सिसिटिभी फुटेज हेरे पछि मात्र थाहा पाइने प्रहरी स्रोत बताउँछ ।