काठमाडौं, ३० चैत । उपसभामुख रुबीकुमारी ठाकुरले पदभार ग्रहण गरेकी छन् । सोमबार सिंहदरबार स्थित कार्यकक्षमा पुगेर उनले पदभार सम्हालेकी हुन् ।

पदभार ग्रहणपश्चात उपसभामुख ठाकुरले सभामुख डोलप्रसाद (डीपी) अर्यालसँग शिष्टाचार भेट गरेकी छन् । भेटमा सभामुख अर्यालले बधाई तथा सफल कार्यकालको शुभकामना व्यक्त गरे । सो अवसरमा आगामी कार्यसम्बन्धी विषयमा संक्षिप्त छलफल भएको सभामुख अर्यालको सचिवालयले जनाएको छ ।

गत २७ गते उपसभामुखको निर्वाचन भएको थियो । निर्वाचनमा श्रम संस्कृति पार्टीबाट ठाकुर र राप्रपाबाट सरस्वती लामा उम्मेदवार थिए । रास्वपाको समर्थन पाएकी ठाकुर उपसभामुखमा निर्वाचित भएकी हुन् ।