काठमाडौं, २३ चैत । अमेरिकी राष्ट्रपति डोनाल्ड ट्रम्पले इरानका सार्वजनिक पूर्वाधारमा आक्रमण गर्ने चेतावनी दिएपछि अन्तर्राष्ट्रिय बजारमा तेलको मूल्य पुनः बढेको छ । बीबीसीका अनुसार ट्रम्पले शनिबार ४८ घण्टाभित्र हर्मुज जलमार्ग नखोले इरानमाथि ‘व्यापक आक्रमण’ गर्न सक्ने बताएका थिए ।

यस अभिव्यक्तिपछि ब्रेन्ट क्रुड तेलको मूल्य १ दशमलव ४ प्रतिशतले बढेर १ सय १० दशमलव ६० डलर प्रति ब्यारेल पुगेको छ ।

अर्कोतर्फ अमेरिकी विपक्षी डेमोक्रेटिक पार्टीका सांसदहरूले ट्रम्पको धम्कीलाई ‘युद्ध अपराध’को संज्ञा दिएका छन् । यस्तो खतरा रोक्न आग्रह गरिएको छ । ट्रम्पले यसअघि पनि इरानलाई हर्मुज जलमार्ग खोल्न लगातार चेतावनी दिँदै आएका छन् ।