काठमाडौं, १३ पुस । नेपाली बजारमा आइतबार सुनको मूल्यले नयाँ रेकर्ड बनाएको छ । अघिल्लो कारोबार दिनको तुलनामा आज सुन तोलामा १ हजार ३ सय रुपैयाँले बढेर नयाँ रेकर्ड बनाएको हो ।

नेपाल सुनचाँदी व्यवसायी महासंघका अनुसार आज छापावाला सुन प्रतितोला २ लाख ७० हजार ६ सय रुपैयाँमा कारोबार भईरहेको छ, यो मूल्य हालसम्मकै उच्च हो । शुक्रबार सुन प्रतितोला २ लाख ६९ हजार ३ सय रुपैयाँमा कारोबार हुँदै नयाँ रेकर्ड बनाएको थियो, जुन आज नै तोडिएको छ ।

त्यस्तै, चाँदी पनि हालसम्मकै महङ्गो भएको छ । अघिल्लो दिन शुक्रबार प्रतितोला ४ हजार ५६५ रुपैयाँमा कारोबार भएको चाँदी आज ४ हजार ८३५ रुपैयाँ पुगेको महासंघले जनाएको छ ।