काठमाडौं, २९ मंसिर । नेपाली बजारमा आज सुन हालसम्मकै उच्च मूल्यमा कारोबार भईरहेको छ । अघिल्लो कारोबार दिनको तुलनामा आज सुन तोलामा १ हजार ९ सय रुपैयाँले बढेको हो ।

नेपाल सुनचाँदी व्यवसायी महासंघका अनुसार आज छापावाला सुन प्रतितोला २ लाख ६० हजार ७ सय रुपैयाँमा कारोबार भईरहेको छ, यो मूल्य हालसम्मकै महङ्गो हो । अघिल्लो दिन आइतबार सुन प्रतितोला २ लाख ५८ हजार ८ सय रुपैयाँमा कारोबार हुँदै नयाँ रेकर्ड बनाएको थियो, जुन आज नै तोडिएको छ ।

त्यस्तै, आज चाँदीको मूल्य पनि तोलामा ४५ रुपैयाँले बढेको छ । अघिल्लो दिन आइतबार प्रतितोला ३ हजार ८२५ रुपैयाँमा कारोबार भएको चाँदी आज ३ हजार ८७० रुपैयाँ पुगेको महासंघले जनाएको छ ।