प्रेम सम्बन्धमा रहँदाका अन्तरङ्ग तस्विर/भिडियो सम्बन्ध बिग्रिपछि आफन्तलाई पठाइदिने साफी पक्राउ

अनलाइनसमय |
२१ चैत २०८१
प्रेम सम्बन्धमा रहँदाका अन्तरङ्ग तस्विर/भिडियो सम्बन्ध बिग्रिपछि आफन्तलाई पठाइदिने साफी पक्राउ

काठमाडौं, २२ चैत । सामाजिक सञ्जालको दुरूपयोग गर्ने कार्यमा संलग्न रहेको अभियोगमा प्रहरीले एक जनालाई पक्राउ गरेको छ ।

पक्राउ पर्नेमा काठमाडौं महानगरपालिका–९ सिनामंगल डेरा गरी बस्ने सिराहा धनगढी नगरपालिका–७ गोलबजार घर भएका २७ वर्षीय राम बिहारी साफी रहेका छन् ।

प्रेम सम्बन्धमा रहँदाका अन्तरङ्गसँग सम्बन्धित तस्विर÷भिडियो सम्बन्ध बिग्रिए पश्चात सामाजिक सञ्जालमा पोष्ट गरिदिने र पीडितका आफन्तलाई पठाइदिने भनि धम्काउने, दुख हैरानी दिएको भन्ने पीडितको उजुरीको आधारमा साइबर ब्यूरोबाट खटिएको प्रहरीले उक्त कार्यमा संलग्न उनलाई बुधबार काठमाडौंबाट पक्राउ गरेको हो ।

उनी उपर विद्युतीय (इलेक्ट्रोनिक) कारोबार ऐन, २०६३ अन्तर्गतको कसुरमा जिल्ला अदालत काठमाडौंबाट ४ दिन म्याद थप अनुमति लिई यस सम्बन्धमा प्रहरीले आवश्यक अनुसन्धान गरिरहेको छ ।

Leave a Reply

Your email address will not be published. Required fields are marked *

खोज्नुहोस