काठमाडौं, २१ चैत । आर्थिक वर्ष (आव) २०८२/८३ मा प्रदेश तथा स्थानीय सरकारहरूलाई प्रदान गरिने राजस्व बाँडफाँड तथा वित्तीय समानीकरण अनुदानको अनुमानित विवरण सार्वजनिक भएको छ । अर्थ मन्त्रालयले सार्वजनिक गरेको सो विवरण अनुसार सात प्रदेशले उक्त आवमा ७८ अर्ब रुपैयाँ अनुदान पाउने भएका छन् ।

जसअन्तर्गत कोशी प्रदेशले सबैभन्दा धेरै १२ अर्ब ३९ करोड ६० लाख रुपैयाँ प्राप्त गर्दा सुदूरपश्चिम प्रदेशले सबैभन्दा कम ९ अर्ब ८७ करोड २५ लाख प्राप्त गर्ने अनुमान गरिएको छ ।

यसैगरी मधेश प्रदेशलाई १२ अर्ब ३५ करोड ५४ लाख, लुम्बिनीलाई ११ अर्ब ८६ करोड ५६ लाख, बागमतीलाई ११ अर्ब ५२ करोड ८४ लाख रुपैयाँ प्रदान गरिनेछ  भने कर्णालीले १० अर्ब २७ करोड ३० लाख र गण्डकी प्रदेशले ९ अर्ब ७९ करोड ११ लाख रुपैयाँ राजस्व बाँडफाँडमार्फत पाउने अनुमान अर्थ मन्त्रालयको छ ।