सुनको मूल्य हालसम्मकै उच्च, तोलाकै १ लाख ८० हजार नाघ्यो

अनलाइनसमय |
२० चैत २०८१
सुनको मूल्य हालसम्मकै उच्च, तोलाकै १ लाख ८० हजार नाघ्यो

काठमाडौं, २१ चैत । नेपाली बजारमा आज सुनको मूल्यले नयाँ रेकर्ड बनाएको छ । आज बुधबारको तुलनामा सुनको मूल्य १२ सय रुपैयाँले बढ्दै उच्च मूल्यमा पुगेको हो ।

नेपाल सुनचाँदी व्यवसायी महासङ्घका अनुसार बिहीबार छापावाल सुनको मूल्य प्रतितोला १ लाख ८० हजार ३ सय रुपैयाँमा कारोबार भइरहेको छ, यो मूल्य हालसम्मकै उच्च हो । यसअघि सुनको मूल्य गत चैत १९ गते हालसम्मकै उच्च कायम भएको थियो । सोही दिन १८ सय रुपैयाँले बढेको सुन तोलामा १ लाख ७९ हजार ७ सयमा रुपैयाँमा कारोबार भएको थियो ।

विगत चार दिन उच्च रेकर्ड कायम गरिरहेको सुनको मूल्य अघिल्लो कारोबार दिन बुधबार भने घटेको थियो । हिजो सुन तोलामा एक लाख ७९ हजार १ सय रुपैयाँका कारोबार भएको थियो ।

यस्तै, आज चाँदीको मूल्य भने घटेको छ । आज चाँदी एक हजार ९९५ रुपैयाँमा कारोबार भइरहेको महासङ्घले जनाएको छ । बुधबार चाँदी २ हजार २० रुपैयाँमा कारोबार भएको थियो ।

Leave a Reply

Your email address will not be published. Required fields are marked *

खोज्नुहोस