काठमाडौं, २० चैत । बुधबार नेपाल स्टक एक्सचेन्ज (नेप्से) परिसूचक अङ्कले बढेको छ । आज नेप्से २५ दशमलव ३१ अङ्कले बढेर दुई हजार ७०१ दशमलव ४८ बिन्दुमा कायम भएको छ ।

आज १ करोड ४ लाख ४२ हजार ६८३ कित्ता शेयर किनबेच हुँदा ५ अर्ब ४४ करोड ४४ लाख रुपैयाँको कारोबार भएको छ । अघिल्लो कारोबार दिन मंगलबार ५ अर्ब ७९ करोड ७७ लाख रुपैयाँको कारोबार भएको थियो ।

आज १६६ धितोपत्रको शेयर मूल्य बढ्दा ७८ को घटेको छ । यसदिन कुल ३१८ धितोपत्र कारोबारमा आएका छन् ।

बुधबार १३ उपसमूहमध्ये ११ उपसमूहको परिसूचक बढेको छ भने २ उपसमूहको परिसूचक घटेको छ । आज व्यापार समूहको उपसूचक सर्वाधिक ९ दशमलव ४९ प्रतिशतले बढेको छ । त्यस्तै फाइनान्स ३ दशमलव २६, लगानी १ दशमलव ३९, म्युचुअल फण्ड शून्य दशमलव ६५ र बैंकिङ शून्य दशमलव ६१ प्रतिशतले बढेको छ । यसदिन फाइनान्स १ दशमलव ४४ र निर्जीवन बीमा समूहको उपसूचक शून्य दशमलव २५ प्रतिशतले ह्रास आएको छ ।

आज विशाल बजार र सेन्ट्रल फाइनान्सको शेयर मूल्यमा सकारात्मक सर्किट लागेको छ । यस्तै हाथवे इन्भेष्टमेण्टको ६ दशमलव ८३, न्यादी हाइड्रोपावरको ६ दशमलव ६ र रिभर फल्सको शेयर मूल्य ४ दशमलव ९७ प्रतिशतले बढेको छ ।

आज विन बोटलर्स नेपाल (बालाजु)को शेयर मूल्यमा नकारात्मक सर्किट लागेको छ । बलेफि हाइड्रोपावरको ४ दशमलवले शेयर मूल्यमा ह्रास आएको छ ।